പെരിന്തല്‍മണ്ണ: കോഴിക്കോട്-പാലക്കാട് ദേശീയപാതയില്‍ പെരിന്തല്‍മണ്ണ താഴെക്കോട്ട് കെ.എസ്.ആര്‍.ടി.സി ബസും കാറും കൂട്ടിയിടിച്ച് ഒന്‍പതു പേര്‍ക്കു പരുക്ക്.
അപകടത്തെ തുടര്‍ന്നു കാറില്‍ കുടുങ്ങിയവരെ നാട്ടുകാര്‍ കാര്‍ വെട്ടിപ്പൊളിച്ചാണ് പുറത്തെടുത്തത്. ഇന്നലെ രാവിലെ ഒന്‍പതരയോടെയാണ് അപകടം. ബസ് ഡ്രൈവര്‍ കോഴിക്കോട് സ്വദേശി ഷാജി (46), കണ്ടക്ടര്‍ മണ്ണാര്‍ക്കാട് വിയ്യക്കുുര്‍ശി സുമ (42), യാത്രക്കാരായ മുണ്ടൂര്‍ വിമല്‍ കുമാര്‍ (33), കാര്‍ യാത്രികരായ കോട്ടക്കല്‍ പൂക്കിപ്പറമ്പ് അബ്ദുല്‍ അസീസ് (27), ഭാര്യ ഫൈറൂസ (20), താനൂര്‍ മുനവിര്‍ (26), ഭാര്യ ഷഹല ജാസ്മിന്‍ (18), സലാഹുദ്ദീന്‍ (28), ഭാര്യ ഷബിബ (18) എന്നിവര്‍ക്കാണ് പരുക്കേറ്റത്. ഇവരെ പെരിന്തല്‍മണ്ണയിലെ ആശുപത്രിയില്‍ പ്രവേശിപ്പിച്ചു.