റിയാദ്: യമനിലെ വിമത സൈന്യം നടത്തിയ റോക്കറ്റ് പതിച്ചു ഏഴു സൈനികര്‍ കൊല്ലപ്പെടുകയും 11 പേര്‍ക്ക് പരുക്കേല്‍ക്കുകയും ചെയ്തു. മാരിബ് പ്രവിശ്യയിലെ സരവാഹ് എന്ന സ്ഥലത്തു വെള്ളിയാഴ്ച്ച രാവിലെ നടന്ന പെരുന്നാള്‍ നിസ്‌കാരത്തിടയിലേക്കാണ് വിമത വിഭാഗം വിക്ഷേപിച്ച റോക്കറ്റു പതിച്ചത്. വിമത വിഭാഗമായ ഹൂതികളുടെ ഭാഗത്തു നിന്നാണ് ആക്രമണം ഉണ്ടായതെന്നും യമന്‍ സൈന്യം അറിയിച്ചു.