കിറ്റ്‌സിലെ സെന്റര്‍ ഫോര്‍ റെസ്‌പോണ്‍സിബിള്‍ ടൂറിസത്തില്‍ ആറു മാസത്തെ താല്‍ക്കാലിക തസ്തികയിലേക്ക് പ്രോജക്ട് അസിസ്റ്റന്റ് ഒഴിവിലേക്ക് അപേക്ഷ ക്ഷണിച്ചു.

ശമ്പളം 20,000 രൂപ. യോഗ്യത എം.ബി.എ (ടൂറിസത്തില്‍ ബിരുദമോ ബിരുദാനന്തര ബിരുദമോ ഉള്ളവര്‍ക്ക് മുന്‍ഗണന).

പദ്ധതി നിര്‍വഹണത്തിലും റിപ്പോര്‍ട്ട് തയ്യാറാക്കുന്നതിലും കുറഞ്ഞത് രണ്ടു വര്‍ഷത്തെ പ്രവൃത്തിപരിചയം വേണം. അപേക്ഷ ലഭിക്കേണ്ട അവസാന തീയതി സെപ്റ്റംബര്‍ 15 വൈകിട്ട് അഞ്ചുമണി. സെപ്റ്റംബര്‍ 22 നാണ് അഭിമുഖം. പ്രോജക്റ്റ് ഫണ്ടില്‍ നിന്നാണ് ശമ്പളം നല്‍കുന്നത്. കോണ്‍ട്രാക്ട് കാലാവധി ആറു മാസം വരെയോ പ്രോജക്ട് കാലയളവുവരെയോ മാത്രം. താല്‍പര്യമുള്ളവര്‍ ബയോഡാറ്റായോടൊപ്പം യോഗ്യത, പ്രവൃത്തിപരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പ് സഹിതം ഡയറക്ടര്‍, കേരള ഇന്‍സ്റ്റിറ്റ്യൂട്ട് ഓഫ് ടൂറിസം ആന്റ് ട്രാവല്‍ സ്റ്റഡീസ് (കിറ്റ്‌സ്), റസിഡന്‍സി, തൈക്കാട്, തിരുവനന്തപുരം 695014 എന്ന വിലാസത്തില്‍ അപേക്ഷിക്കണം.

കവറിനു പുറത്ത് 'പ്രോജക്ട് അസിസ്റ്റന്റ് സെന്റര്‍ ഫോര്‍ റെസ്‌പോണ്‍സിബിള്‍ ടൂറിസം' എന്ന് രേഖപ്പെടുത്തണം. സര്‍ട്ടിഫിക്കറ്റുകളുടെയും രേഖകളുടെയും സൂക്ഷമ പരിശോധനയ്ക്കു ശേഷം അര്‍ഹരെ അഭിമുഖത്തിന് ക്ഷണിക്കും.