തിരുവനന്തപുരം: ബി.ഡി.എസ് പ്രവേശനത്തിനുള്ള സ്‌പോട്ട് അഡ്മിഷന്‍ ഇന്ന് അവസാനിക്കും. ഒഴിവുവന്ന അറുപതു സീറ്റുകളിലേക്കാണ് സ്‌പോട്ട് അഡ്മിഷന്‍ ഇന്നലെ മുതല്‍ ആരംഭിച്ചത്.
തിരുവനന്തപുരം മെഡിക്കല്‍ കോളജിലെ പഴയ ഓഡിറ്റോറിയത്തിലാണ് പ്രവേശന നടപടികള്‍ നടക്കുക. കോടതിയുടെ പ്രത്യേക നിര്‍ദേശപ്രകാരമാണ് സ്‌പോട്ട് അഡ്മിഷന്‍ നടത്തുന്നത്.
മെഡിക്കല്‍ ദന്തല്‍ പ്രവേശനത്തിനുള്ള അഡ്മിഷന്‍ നടപടികള്‍ ഓഗസ്റ്റ് 30ന് ഒരുമിച്ചായിരുന്നു ആരംഭിച്ചത്. എന്നാല്‍ കൃത്യസമയത്ത് നടപടിക്രമങ്ങള്‍ പൂര്‍ത്തീകരിക്കാനാവാതെ വന്നതോടെ ബി.ഡി.എസ് പ്രവേശന നടപടികള്‍ രണ്ടും മൂന്നും തിയതികളിലേക്ക് മാറ്റുകയായിരുന്നു. ഇങ്ങനെ നീട്ടിവച്ച അഡ്മിഷന്‍ നടപടികളാണ് ഇപ്പോള്‍ പുരോഗമിക്കുന്നത്.