ദമാസ്‌കസ്: ഐ.എസിന്റെ ശക്തികേന്ദ്രങ്ങള്‍ പിടിച്ചടുക്കി സിറിയന്‍ സേന. ബ്രിട്ടന്‍ ആസ്ഥാനമായുള്ള മനുഷ്യാവകാശ സംഘടനയാണ് ഇതു സംബന്ധിച്ച വിവരങ്ങള്‍ പുറത്തുവിട്ടത്. റഷ്യന്‍ ഹോലികോപ്ടറുകളും സിറിയക്കൊപ്പം ഐ.എസ് കേന്ദ്രങ്ങള്‍ പിടിച്ചടക്കാനുണ്ട്. ഏറ്റുമുട്ടല്‍ ഇപ്പോഴും തുടരുകയാണ്. എന്നാല്‍ അപകട വ്യാപ്തിയോ കൊല്ലപ്പെട്ടവരുടെ എണ്ണമോ എത്രയെന്ന് അറിയാനായിട്ടില്ല. ഹോംസ്, ആലെപ്പോ നഗരങ്ങള്‍ക്കിടയിലുള്ള പ്രദേശങ്ങളിലാണ് ഏറ്റുമുട്ടല്‍ നടക്കുന്നത്. മാസങ്ങളായി ഏറ്റുമുട്ടല്‍ നടക്കുന്ന അല്‍ സലാമിയ നഗരമാണ് ഏറ്റുമുട്ടല്‍ രൂക്ഷമായ പ്രധാന മേഖലകളിലൊന്ന്. കഴിഞ്ഞ മാസം ആറിന് സിറിയന്‍ നഗരമായ ഹോമ്മോസ് ഐ.എസില്‍ നിന്നു സൈന്യം പിടിച്ചെടുത്തിരുന്നു. അന്ന് സൈന്യം നടത്തിയ ശക്തമായ ആക്രമണത്തെ തുടര്‍ന്നായിരുന്നു ഹോമ്മോസ് പിടിച്ചെടുത്തത്.