നെയ്‌റോബി: കെനിയയുടെ തലസ്ഥാനമായ നെയ്‌റോബിയില്‍ സ്‌കൂളിലുണ്ടായ തീപിടിത്തത്തില്‍ ഏഴ് കുട്ടികള്‍ മരിച്ചു. ദുരന്തത്തില്‍ 10 കുട്ടികള്‍ക്ക് പൊള്ളലേറ്റു.
കഴിഞ്ഞ ദിവസം പുലര്‍ച്ചെയാണ് അപകടമുണ്ടായത്.മോയി ഗേള്‍സ് ഹൈസ്‌കൂളിലെ ഡോര്‍മിറ്ററിയിലാണ് തീപിടിത്തമുണ്ടായത്.
1200 ഓളം വിദ്യാര്‍ഥികള്‍ പഠിക്കുന്ന സ്‌കൂളാണിത്. തീപിടിത്തമുണ്ടാകാനുള്ള കാരണം വ്യക്തമല്ല. അന്വേഷണം പ്രഖ്യാപിച്ചതായി വിദ്യാഭ്യാസ മന്ത്രി അറിയിച്ചു. പുലര്‍ച്ചെ ആയതിനാലാണ് മരണസംഖ്യ കൂടിയത്. പരുക്കേറ്റവരില്‍ ചിലരുടെ നില ഗുരുതരമാണ്.
രാജ്യത്തെ ഏറ്റവും നല്ല നിലവാരത്തില്‍ പ്രവൃത്തിക്കുന്ന സ്‌കൂളിലാണ് തീപിടിത്തമുണ്ടായത്.2001 ല്‍ കെനിയയിലെ കയാന്‍ഗുലി സെക്കന്ററി സ്‌കൂളില്‍ തീപിടുത്തമുണ്ടായി 58 വിദ്യാര്‍ഥികള്‍ മരിച്ചിരുന്നു.