തൃശൂര്‍: സത്‌സംഗ് തൃശിവപേരൂരിന്റെ ആഭിമുഖ്യത്തില്‍ 'വിദ്യാഭ്യാസ മികവ്' എന്ന വിഷയത്തെ ആസ്പദമാക്കി ഇന്ന് 2.30ന് കുരിയച്ചിറ സെന്റ് ജോസഫ്‌സ് മോഡല്‍ സ്‌കൂള്‍ ഓഡിറ്റോറിയത്തില്‍ സെമിനാര്‍ സംഘടിപ്പിക്കുന്നു. സംസ്ഥാന ഹയര്‍ സെക്കന്‍ഡറി ഡയറക്ടര്‍ എം.എസ് ജയ സെമിനാറില്‍ മുഖ്യ പ്രബന്ധം അവതരിപ്പിക്കും. ഫാ. ഡോ. ആന്റണി ചെമ്പകശ്ശേരി അധ്യക്ഷനാകും. ജില്ലയിലെ ഹൈസ്‌കൂള്‍, ഹയര്‍ സെക്കന്‍ഡറി സ്‌കൂളുകളില്‍ നിന്നും അധ്യാപക പ്രതിനിധികള്‍ സെമിനാറില്‍ പങ്കെടുക്കും. സ്‌കൂള്‍ ലൈബ്രറികളിലേക്ക് സൗജന്യമായി പുസ്തകങ്ങള്‍ വിതരണം ചെയ്യും. ലയണ്‍സ് ക്ലബ് ഡിസ്ട്രിക്ട് ഗവര്‍ണര്‍ വി.പി നന്ദകുമാര്‍ പ്രസംഗിക്കും.