കൊച്ചി: നടിയെ ആക്രമിച്ചതുമായി ബന്ധപ്പെട്ട് ഗൂഢാലോചനാക്കേസില്‍ അറസ്റ്റിലായി ആലുവ സബ്ജയിലില്‍ കഴിയുന്ന നടന്‍ ദിലീപിനെ കാണാനായി നടന്‍ കലാഭവന്‍ ഷാജോണ്‍ എത്തി. ഇന്നലെ രാവിലെയാണ് കലാഭവന്‍ ഷാജോണ്‍ ജയിലിനുള്ളിലെത്തി ദിലീപിനെ കണ്ടത്.
പത്തുമിനിറ്റാണ് കൂടിക്കാഴ്ചയ്ക്ക് അനുവദിച്ചതെന്നും കൂടുതലൊന്നും സംസാരിച്ചില്ലെന്നും ഷാജോണ്‍ മാധ്യമങ്ങളോട് പറഞ്ഞു. ദിലീപിന്റെ മൂന്നാമത് ജാമ്യാപേക്ഷയും തള്ളിയതോടെയാണ് താരങ്ങള്‍ ഓരോരുത്തരായി ജയിലിലേക്ക് എത്തി ത്തുടങ്ങിയത്.
ദിലീപ് അറസ്റ്റിലായതിന് പിന്നാലെ കലാഭവന്‍ ഷാജോണിനെ ബന്ധപ്പെടുത്തിയും വ്യാജവാര്‍ത്ത പ്രചരിച്ചിരുന്നു. ഷാജോണിനെതിരേ ദിലീപ് കരുക്കള്‍ നീക്കിയെന്നായിരുന്നു വ്യാജവാര്‍ത്ത.