കോഴിക്കോട്: പി.വി അന്‍വര്‍ എം.എല്‍.എയുടെ വിവാദമായ കക്കാടംപൊയിലിലെ പാര്‍ക്കിലെത്തിയ വിനോദസഞ്ചാരികള്‍ക്ക് മര്‍ദനം. പാര്‍ക്കിന്റെ ഫോട്ടോയെടുക്കാന്‍ ശ്രമിച്ചെന്നാരോപിച്ചാണ് പാര്‍ക്കിനു സമീപം വച്ച് മര്‍ദിച്ചത്.

മര്‍ദനമേറ്റ നാലു പേരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്. കൊടിയത്തൂര്‍ സ്വദേശികളായ യുവാക്കള്‍ക്കാണ് നാട്ടുകാരുടെ മര്‍ദനമേറ്റത്. ഇതില്‍ ഒരാളുടെ മൂക്കിന് ഗുരുതരമായി പരുക്കേറ്റിട്ടുണ്ട്.

ഇയാളെ നാളെ ശസ്ത്രക്രിയക്ക് വിധേയമാക്കുമെന്ന് ഡോക്ടര്‍മാര്‍ അറിയിച്ചു.
അതേസമയം, സ്ഥലത്തെത്തിയ പൊലിസ് മര്‍ദനത്തിനിരയായവരെ നടുറോഡില്‍ മുട്ടുകുത്തിച്ചുവെന്നും പരാതിയുണ്ട്. എന്നാല്‍ ഇക്കാര്യം പൊലിസ് നിഷേധിച്ചു.മര്‍ദിച്ചതിന് പിന്നില്‍ ആരാണെന്ന് വ്യക്തമല്ല. തങ്ങള്‍ സെല്‍ഫിയെടുക്കുക മാത്രമാണ് ചെയ്തതെന്ന് യുവാക്കള്‍ പറഞ്ഞു.