ഗാസിയാബാദ്: തോക്ക് ചൂണ്ടിയുള്ള സെല്‍ഫി എടുക്കുന്നതിനിടെ എട്ടു വയസ്സുകാരന് അബദ്ധത്തില്‍ വെടിയേറ്റു.ഉത്തര്‍പ്രദേശ് ഗാസിയാബാദ് സ്വദേശി ജുനൈദിനാണ് തലക്ക് വെടിയേറ്റത്.

തന്റെ തലക്കു നേരെ തോക്ക് പിടിച്ച് സെല്‍ഫിയെടുക്കുന്നതിനിടെയാണ് വെടിയേറ്റത്. ജുനൈദിനെ ഗുരുതരാവസ്ഥയില്‍ ഡല്‍ഹി ജി.ടി.ബി ആശുപത്രിയില്‍ പ്രവേശിപ്പിച്ചിരിക്കുകയാണ്.

ജുനൈദും കൂട്ടുകാരും ചേര്‍ന്നാണ് തമാശക്കായി തോക്കുപയോഗിച്ച് സെല്‍ഫിയെടുത്ത് കളിച്ചത്. ഇതിനിടെ അബദ്ധതത്തില്‍ ട്രിഗര്‍ ഞെക്കുകയായിരുന്നു. അയല്‍വാസിയായ ഗാലെ എന്നയാളുടേതാണ് തോക്ക്. ഇയാള്‍ക്കെതിരേ പൊലിസ് കേസെടുത്തിട്ടുണ്ട്. അനധികൃതമായി തോക്ക് കൈവശം വച്ചതിനും കേസെടുത്തിട്ടുണ്ട്. പൊലിസ് അന്വേഷണം ആരംഭിച്ചു.