തൃക്കരിപ്പൂര്‍: കവ്വായിക്കായലിന്റെ ഓളങ്ങളെ ഇളക്കിമറിച്ചും ആയിരക്കണക്കിനു കാണികളെ ആവേശത്തിരയിലേറ്റിയും ജലോത്സവം അരങ്ങേറി. മെട്ടമ്മല്‍ ബ്രദേഴ്‌സ് മെട്ടമ്മലിന്റെ നേതൃത്വത്തില്‍ സംഘടിപ്പിച്ച എ.പി.ജെ അബ്ദുല്‍ കലാം മെമ്മോറിയല്‍ ട്രോഫിക്കു വേണ്ടിയുള്ള മൂന്നാമതു മലബര്‍ ജലോത്സവം അക്ഷരാര്‍ഥത്തില്‍ കാണികളെ വിസ്മയിപ്പിച്ചു. പുരുഷന്‍മാര്‍ക്ക് 25 പേര്‍, 15 പേര്‍ തുഴയും മത്സരങ്ങളും സ്ത്രീകള്‍ക്ക് 15 പേര്‍ തുഴയും മത്സരങ്ങളുമാണുണ്ടായിരുന്നത്. കണ്ണൂര്‍ വാട്ടര്‍ സ്‌പോര്‍ട്‌സിന്റെ സാഹസിക പ്രകടനങ്ങളും ഉണ്ടായിരുന്നു. രണ്ടോടെ തന്നെ 25 പേര്‍ തുഴയും വള്ളങ്ങളുടെ മത്സരം ആരംഭിച്ചിരുന്നു.
ജലോത്സവം മന്ത്രി കെ.കെ ശൈലജ ഉദ്ഘാടനം ചെയ്തു. സംഘാടക സമിതി ചെയര്‍മാന്‍ പി. കരുണാകരന്‍ എം.പി അധ്യക്ഷനായി. ഏഴിമല നാവിക അക്കാമി കമാന്‍ഡിങ് ഓഫിസര്‍ കമലേഷ് കുമാര്‍, കേണല്‍ രാജേഷ് കനോജിയ എന്നിവര്‍ മുഖ്യാതിഥികളായി.