മലമ്പുഴ: മലമ്പുഴയില്‍ വാഹനങ്ങള്‍ പാര്‍ക്ക് ചെയ്യുന്ന ഗ്രൗണ്ടില്‍ വാഹനങ്ങള്‍ക്ക് ഭീഷണിയായി വന്‍കുഴികള്‍.ബസുകള്‍ ഉള്‍പ്പെടെ വാഹനങ്ങള്‍ ഇതിനകത്തു കൂടിയാണ് സ്റ്റാന്‍ഡിലെത്തുന്നത്. മഴ പെയ്തതോടെ കുഴികളില്‍ വെള്ളം നിറഞ്ഞതിനാല്‍ ഇതിനകത്ത് ഇരുചക്ര വാഹനങ്ങള്‍ കുടുങ്ങി മറിഞ്ഞു വീഴുക പതിവാണ്. മാസങ്ങളായി കുഴികള്‍ രൂപപെട്ടിട്ടും അടച്ച് ടാറിങ് നടത്താന്‍ ബന്ധപ്പെട്ടവര്‍ക്ക് കഴിഞ്ഞിട്ടില്ല.
രാത്രിയായാല്‍ കുഴി കാണാനും പറ്റുന്നില്ല. വെളിച്ചമില്ലാതാണ് അപകടം വര്‍ധിക്കാന്‍ കാരണം. കുഴികള്‍ നികത്തി അപകടം ഇല്ലാതാക്കാന്‍ നടപടി എടുക്കണമെന്ന് മലമ്പുഴഡാം സംരക്ഷണ സമിതി ആവശ്യപ്പെട്ടു.