ചവറ: ചവറയിലെ അഗ്‌നി രക്ഷാ സേനയ്ക്ക് മുതല്‍കൂട്ടായി ആധുനിക സംവിധാനങ്ങളുള്ള വാഹനം. ചവറ എം.എല്‍.എ എന്‍. വിജയന്‍ പിള്ളയുടെ ശ്രമഫലമായാണ് പുതിയ വാഹനം അനുവദിച്ചത്.
ദേശീയ പാതയ്ക്കരുകിലുള്ള നിലയത്തിന്റെ പ്രവര്‍ത്തനം രണ്ട് വര്‍ഷമായുണ്ടെങ്കിലും അത്യാധുനിക സംവിധാനമുള്ള വാഹനം ഇതുവരെയും ലഭ്യമായിരുന്നില്ല.
ചെറിയ റോഡുകളില്‍ പോലും കടന്നു ചെല്ലാന്‍ കഴിയുന്ന വീതി കുറഞ്ഞ വാഹനമാണിത്. ശക്തി കൂടിയ മര്‍ദ്ദമുള്ള പമ്പ് സംവിധാനമാണ് വാഹനത്തിലുള്ളത്.
200 അടി നീളമുള്ള ഹോസിലൂടെ ഒരു മിനിറ്റില്‍ 1800 ലിറ്റര്‍ വെള്ളം സ്‌പ്രേ ചെയ്യാന്‍ കഴിയുന്ന ആധുനിക വാട്ടര്‍ ഗണ്ണാണ് ഉള്ളത്.
എന്‍. വിജയന്‍ പിള്ള എം.എല്‍.എ ഉദ്ഘാടനം ചെയ്തു. സ്റ്റേഷന്‍ ഓഫിസര്‍ ഗോപകുമാര്‍, നിസാര്‍ കന്നേല്‍, നിയാസ്, സുധാകുമാരി സംസാരിച്ചു.