ജമ്മു: ഭീകരര്‍ക്കുള്ള ഫണ്ട് വിതരണവുമായി ബന്ധപ്പെട്ട് ജമ്മു കശ്മിരില്‍ ഹുര്‍റിയത്ത് നേതാവ് അഗാ ഹസന്റെ വസതിയില്‍ എന്‍.ഐ.എ റെയ്ഡ് നടത്തി. ഇന്നലെ രാവിലെ കശ്മിരിലെ ബുദ്ഗാം ജില്ലയിലുള്ള ഹസന്റെ വസതിയിലാണ് എന്‍.ഐ.എ പരിശോധന നടത്തിയത്.
കഴിഞ്ഞ ദിവസങ്ങളിലായി കശ്മിരിലെ വന്‍കിട വ്യാപാരികളുടെയും ഡല്‍ഹിയില്‍ ഹവാല ഇടപാടുകാര്‍ എന്ന് ആരോപിക്കുന്നവരുടെയും വീടുകളിലും ഓഫിസുകളിലുമായി നടത്തിയ പരിശോധനയില്‍ 2.20 കോടി രൂപ എന്‍.ഐ.എ പിടിച്ചെടുത്തിരുന്നു.