ചങ്ങരംകുളം: കോലോത്തുപാടം കോള്‍പ്പടവിന് സംസ്ഥാന സര്‍ക്കാരിന്റെ അംഗീകാരം. എടപ്പാള്‍, ആലങ്കോട്, നന്നംമുക്ക് പഞ്ചായത്തുകളിലായി പരന്ന് കിടക്കുന്ന അറുനൂറേക്കറോളം സ്ഥലത്ത് വ്യാപിച്ചുകിടക്കുന്ന കോലോത്തുപാടം കോള്‍പ്പടവ് സമിതിക്കാണ് സംസ്ഥാന സര്‍ക്കാരിന്റെ നെല്‍ക്കതിര്‍ അവാര്‍ഡ് ലഭിച്ചത്. രണ്ടു ലക്ഷം രുപയും ഫലകവുമാണ് അവാര്‍ഡ്. പാടശേഖരത്തിന്റെ മികച്ച പ്രവര്‍ത്തനങ്ങള്‍ക്കു ലത്വീഫിന്റെ നേതൃത്വത്തിലുള്ള കമ്മിറ്റയാണ് അവാര്‍ഡിന് അര്‍ഹരായത്. എടപ്പാള്‍ കൃഷി ഓഫിസര്‍ വിജീഷാണ് കോള്‍പ്പടവിന് അവാര്‍ഡ് നല്‍കാന്‍ ശുപാര്‍ശ ചെയ്തത്.