തളിപ്പറമ്പ്: പരിയാരം ദേശീയ പാതയില്‍ മെഡിക്കല്‍, കോളജിന് മുന്നില്‍ നിയന്ത്രണം വിട്ട മിനിലോറി ബസ് ഷെല്‍ട്ടറിലേക്ക് പാഞ്ഞുകയറി ഗുരുതരമായി പരുക്കേറ്റ ഒരാള്‍ മരിച്ചു. കൂത്തുപറമ്പ് കോട്ടയത്തങ്ങാടിയിലെ അസ്സു(65)ആണ് മരിച്ചത്. മിനിലോറി ഡ്രൈവര്‍ ഉള്‍പ്പെടെ മറ്റു രണ്ട് പേര്‍ക്ക് പരുക്കേറ്റിട്ടുണ്ട്.

ഇന്നലെ വൈകുന്നേരമാണ് അപകടം നടന്നത്. അപകടം നടന്നയുടനെ ഗുരുതരാവസ്ഥയില്‍ പരിയാരം മെഡിക്കല്‍ കോളജില്‍ പ്രവേശിപ്പിച്ച അസ്സുവിന്റെ വലതുകാല്‍ മുറിച്ചുമാറ്റിയിരുന്നു. ഇന്ന് പുലര്‍ച്ചെയോടെയാണ് അസ്സു മരണമടഞ്ഞത്. മിനി ലോറി ഡ്രൈവര്‍ ഇരിക്കൂറിലെ മുഹമ്മദ് ജാഫര്‍ (32) അഞ്ചരക്കണ്ടിയിലെ ഔദത്ത് (43) എന്നിവര്‍ ചികിത്സയിലാണ്.