തിരൂര്‍: കേരളാ പ്രദേശ് സ്‌കൂള്‍ ടീച്ചേഴ്‌സ് അസോസിയേഷന്റെ സാംസ്‌കാരിക വിഭാഗമായ സര്‍ഗസാഹിതി സംഘടിപ്പിക്കുന്ന  സംസ്ഥാനതല സാംസ്‌കാരിക സംഗമവും നാട്ടരങ്ങും നാളെ തിരൂര്‍ കോരങ്ങത്തെ സാംസ്‌കാരിക സമുച്ചയത്തില്‍ നടക്കും. വി.ടി ബല്‍റാം എം.എല്‍.എ ഉദ്ഘാടനം ചെയ്യും.
മലയാളം സര്‍വകലാശാല വൈസ് ചാന്‍സലര്‍ ഡോ. കെ. ജയകുമാര്‍ മുഖ്യാതിഥിയാകും. നോവലിസ്റ്റ് പി.ആര്‍ നാഥന്‍ മുഖ്യപ്രഭാഷണം നടത്തും. എം. സലാഹുദ്ദീന്‍ ഉപഹാരങ്ങള്‍ നല്‍കും. നാട്ടരങ്ങില്‍ ഗാനരചയിതാവ് രമേശ് കാവില്‍ മുഖ്യാതിഥിയായി പങ്കെടുക്കും. സാമപന സമ്മേളനം ജില്ലാ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍  അനിത കിഷോര്‍ ഉദ്ഘാടനം ചെയ്യും. 250 പ്രതിനിധികള്‍ പങ്കെടുക്കുമെന്നു പി. സുരേന്ദ്രന്‍, എസ്.ഡി പ്രമോദ്, കെ.എല്‍ ഷാജു, അബ്രഹാം റോബിന്‍ എന്നിവര്‍ അറിയിച്ചു.