കൊച്ചി: ദിലീപിനെ അനുകൂലിച്ച് പരാമര്‍ശം നടത്തിയതില്‍ പ്രതിഷേധിച്ച് കണ്ണൂരിലെ വീടിനു നേരെ കരിഓയില്‍ ഒഴിച്ചതിനെ പരിഹസിച്ച് ശ്രീനിവാസന്‍. കരിഓയില്‍ ഒഴിച്ചത് പെയിന്റടിക്കായിരിക്കും. വീട് പൂര്‍ണമായും ഒഴിച്ചിരുന്നെങ്കില്‍ ഒരു വര്‍ഷത്തെ പെയിന്റിങ് ലാഭിക്കാമായിരുന്നുവെന്ന് ശ്രീനിവാസന്‍ പറഞ്ഞു.

നടി ആക്രമിക്കപ്പെട്ട സംഭവവുമായി ബന്ധപ്പെട്ട് അറസ്റ്റിലായ നടന്‍ ദിലീപിനെ അനുകൂലിച്ച് കഴിഞ്ഞ ദിവസം ശ്രീനിവാസന്‍ പരാമര്‍ശം നടത്തിയിരുന്നു. ഇതിനു പിന്നാലെയാണ് ശ്രീനിവാസന്റെ വീടിനു നേരെയാണ് കരിഓയില്‍ പ്രയോഗം നടന്നത്. എന്നാല്‍, ഈ സംഭവത്തില്‍ പൊലിസിന് പരാതി നല്‍കില്ലെന്ന് ശ്രീനിവാസന്‍ പറഞ്ഞു.