പനമരം: വന്യമൃഗത്തിന്റെ ആക്രമണത്തില്‍ മൂന്ന് ആടുകള്‍ ചത്ത നിലയില്‍.
ചെറുകാട്ടൂര്‍ മുള്ളന്‍മടക്കല്‍ മാത്തന്റെ മൂന്ന് ആടുകളെയാണ് വന്യമൃഗം കടിച്ചു കൊന്നത്. വീടിനോട് ചേര്‍ന്ന പറമ്പില്‍ കെട്ടിയിരുന്ന ആടുകളെയാണ് കടിച്ചു കൊന്നത്.
കഴിഞ്ഞദിവസം വൈകിട്ട് അഞ്ചരയോടെയായിരുന്നു സംഭവം. വനം വകുപ്പ് അധികൃതര്‍ സ്ഥലത്തെത്തി തുടര്‍ നടപടികള്‍ സ്വീകരിച്ചു. പൂച്ച പുലിയാണ് ആടുകളെ ആക്രമിച്ചതെന്നാണ് പ്രാഥമിക നിഗമനം. ഉടമക്ക് അര്‍ഹമായ നഷ്ട പരിഹാരം നല്‍കുമെന്നും വനം വകുപ്പ് ഉദ്യോഗസ്ഥര്‍ അറിയിച്ചു.