നരിക്കുനി:വിദ്യാര്‍ഥികള്‍ക്ക് നേരേയുള്ള ബസ് ജീവനക്കാരുടെ ആക്രമണങ്ങള്‍ക്കെതിരേ ബൈത്തുല്‍ ഇസ്സ ആര്‍ട് കോളജ് വിദ്യാര്‍ഥികള്‍ നരിക്കുനിയില്‍ പ്രതിഷേധ പ്രകടനം നടത്തി.
കഴിഞ്ഞ ഏതാനും ദിവസങ്ങള്‍ക്ക് മുന്‍പ് കോളജ് വിട്ട് ബസില്‍ കയറുന്ന വിദ്യാര്‍ഥിനികളെ ബസ്സില്‍ നിന്നും ജീവനക്കാര്‍ ബലമായി തള്ളിയിടുകയും ഇതു ചോദ്യം ചെയ്ത വിദ്യാര്‍ഥികളെ  ജീവനക്കാര്‍ ആക്രമിക്കുകയും ചെയ്തിരുന്നു.
സംഭവം പൊലിസില്‍ പരാതിപെട്ടെങ്കിലും ഇതു വരെ ജീവനക്കാര്‍ക്കെതിരേ ഒരു നടപടി സ്വീകരിച്ചിട്ടില്ലെന്നും ഉന്നത അധികാരികളുടെ സഹായത്തോടെ ബസ് ജീവനക്കാര്‍ വിദ്യാര്‍ഥികള്‍ക്കെതിരേ കള്ളക്കേസ് ചുമത്തിയിരിക്കുകയാണെന്നും വിദ്യാര്‍ഥികള്‍ ആരോപിച്ചു.