ന്യൂഡല്‍ഹി: ബി.ജെ.പിക്കെതിരായ ഓണ്‍ലൈന്‍ കുപ്രചാരണങ്ങളില്‍ വീണുപോകരുതെന്ന് യുവാക്കളോട് പാര്‍ട്ടി അധ്യക്ഷന്‍ അമിത്ഷാ. ഗുജറാത്ത് സര്‍ക്കാറിന്റെ വികസന അവകാശ വാദങ്ങള്‍ക്കെിതിരെ സാമൂഹിക മാധ്യമങ്ങളില്‍ കാമ്പയിന്‍ ശക്തമാകുന്നതിനിടെയാണ് അമിത്ഷായുടെ മുന്നറിയിപ്പ്. അഹമ്മദാബാദില്‍ സംഘടിപ്പിച്ച ചടങ്ങില്‍ സംസാരിക്കുകയായിരുന്നു അദ്ദേഹം.

പട്ടേല്‍ ക്വാട്ട പ്രക്ഷോഭകര്‍ കോണ്‍ഗ്രസുമായി അടുത്തിരിക്കുന്നുവെന്നും അത് ശ്രദ്ധിക്കണമെന്നും അമിത്ഷാ പറഞ്ഞു. ബി.ജെ.പി വിരുദ്ധ വാര്‍ത്തകള്‍ പ്രചരിപ്പിക്കുന്നതിനു മുന്‍പ് എന്താണ് സത്യാവസ്ഥ എന്ന് മനസിലാക്കാന്‍ ശ്രമിക്കണമെന്നും അദ്ദേഹം നിര്‍ദ്ദേശിച്ചു.