കൊച്ചി: നടി ആക്രമിക്കപ്പെട്ട കേസില്‍ ഗൂഢാലോചനാ കുറ്റത്തിന് റിമാന്‍ഡില്‍ കഴിയുന്ന ദിലീപിനെതിരേ നടന്‍ അനൂപ് ചന്ദ്രന്റെ മൊഴി.
തന്റെ അവസരങ്ങള്‍ ദിലീപ് ഇല്ലാതാക്കിയെന്നാണ് അനൂപ് മൊഴി നല്‍കിയിരിക്കുന്നത്. ഒരു ചാനല്‍ ചര്‍ച്ചയ്ക്കിടെ മിമിക്രിക്കെതിരേ അഭിപ്രായം പറഞ്ഞതാണ് തനിക്കെതിരേയുള്ള വിദ്വേഷത്തിന് കാരണം.
മൗസ് ആന്‍ഡ് ക്യാറ്റ് സിനിമയുടെ ലോക്കേഷനില്‍ വച്ച് തന്നെ ഭീഷണിപ്പെടുത്തി. ഇതോടെ സിനിമയില്‍ നിന്ന് തന്നെ ഒതുക്കാനുള്ള ശ്രമം ആരംഭിച്ചു. കേസ് അന്വേഷിക്കുന്ന പ്രത്യേക അന്വേഷണ സംഘത്തിന് മുന്‍പാകെയാണ് അനൂപ് ചന്ദ്രന്‍ മൊഴി നല്‍കിയത്.