കൊച്ചി: ദിലീപിനെ ജയിലില്‍ കാണാന്‍ സിനിമാ പ്രവര്‍ത്തകരടക്കമുള്ളവര്‍ക്ക് നിയന്ത്രണമില്ലാതെ അനുമതി നല്‍കിയത് സംബന്ധിച്ച് അന്വേഷണം ആവശ്യപ്പെട്ട് സംസ്ഥാന പൊലിസ് മേധാവിക്ക് പരാതി. ജയില്‍ ചട്ടങ്ങള്‍ ലംഘിച്ച് സന്ദര്‍ശകര്‍ക്ക് അനുമതി നല്‍കിയത് കേസ് അട്ടിമറിക്കാന്‍ കൂട്ടു നില്‍ക്കലാണെന്നും ആലുവ സബ് ജയില്‍ സൂപ്രണ്ടിനെതിരേ കേസെടുത്ത് അന്വേഷണം നടത്തണമെന്നും ആവശ്യപ്പെട്ട് തൃശൂര്‍ പീച്ചി സ്വദേശിനി മനീഷ എം.ചാത്തേലിയാണ് പരാതി നല്‍കിയിട്ടുള്ളത്.