കൊച്ചി: സിനിമ നിര്‍മാതാവിനെ കൊലപ്പെടുത്താന്‍ ശ്രമിച്ച കേസില്‍ ഒളിവില്‍ കഴിഞ്ഞ പ്രതിയെ അറസ്റ്റ് ചെയ്തു. തമ്മനത്ത് വാടകക്ക് താമസിക്കുന്ന എളംകുളം ഗാന്ധിനഗര്‍ ചെറുതോട്ടില്‍ ഫ്രെഡി ബാബുവിനെ (22)യാണ് ടൗണ്‍ നോര്‍ത്ത് പൊലിസ് അറസ്റ്റ് ചെയ്തത്. കതൃക്കടവ് എടശ്ശേരി ബാറിനടുത്തുവെച്ച് നിര്‍മാതാവ് സുബൈറിനെ തലക്കടിച്ച് കൊലപ്പെടുത്താന്‍ ശ്രമിച്ച കേസില്‍ പ്രതിയായ ഇയാള്‍ ഒളിവിലായിരുന്നു.
മാര്‍ച്ച് 29നായിരുന്നു കേസിനാസ്പദമായ സംഭവം. ഹോട്ടലിലെ സി.സി.ടി.വി ദൃശ്യങ്ങള്‍ പരിശോധിച്ചും ദൃക്‌സാക്ഷികളുടെ മൊഴിയുടെ അടിസ്ഥാനത്തില്‍ കേസിലെ മറ്റു പ്രതികളെ പൊലീസ് അറസ്റ്റ് ചെയ്തിരുന്നു. തൃപ്പൂണിത്തുറ, പാലാരിവട്ടം സ്റ്റേഷനുകളില്‍ മയക്കുമരുന്ന്, അടിപിടി കേസുകളില്‍ പ്രതിയാണ് ഇയാളെന്ന് പൊലീസ് പറഞ്ഞു. സി.ഐ കെ.ജെ. പീറ്റര്‍, എസ്.ഐ എം.എന്‍. സുരേഷ്, എ.എസ്.ഐ റഫീഖ്, സി.പി.ഒമാരായ അനീഷ്, അനൂപ് എന്നിവരാണ് പ്രതിയെ അറസ്റ്റ് ചെയ്്തത്.