കുമ്പള: കുമ്പള സീതാംഗോൡയില്‍ ബൈക്കു നിയന്ത്രണം വിട്ടു മറിഞ്ഞു യുവാവ് മരിച്ച സംഭവത്തില്‍ പൊലിസ് കേസെടുത്തു. സീതാംഗോളി കട്ടത്തടുക്ക കളത്തൂര്‍ രിഫാഈ നഗറിലെ സജിങ്കല ഹൗസില്‍ എല്‍.ടി ഖാദറിന്റെ മകന്‍ അമീര്‍ മരണപ്പെട്ട സംഭവത്തിലാണ് പൊലിസ് കേസെടുത്തത്. അമീറിന്റെ ഭാര്യ റംസീനക്ക് അപകടത്തില്‍ ഗുരുതരമായി പരുക്കേറ്റിരുന്നു. ഞായറാഴ്ച രാത്രി 12 മണിയോടെയാണ് അപകടമുണ്ടായത്. കമ്പാറിലെ ബന്ധുവീട്ടിലെ വിവാഹ ചടങ്ങില്‍ പങ്കെടുത്ത ശേഷം അമീറും ഭാര്യയും രണ്ടു കുട്ടികളും ബൈക്കില്‍ തിരിച്ചുപോകുമ്പോള്‍ സീതാംഗോളി പുത്തിഗൈ കോ ഓപറേറ്റിവ് ബാങ്കിനു സമീപമാണ് അപകടമുണ്ടായത്.