തിരൂര്‍: റോഡരികില്‍ നിര്‍ത്തിയിട്ട ടിപ്പര്‍ ലോറിയില്‍ ഇടിച്ച കണ്ടെയ്‌നര്‍ ലോറി റോഡരികിലെ മതില്‍ തകര്‍ത്ത് നിര്‍ത്താതെ പോയി. ചൊവ്വാഴ്ച അര്‍ധരാത്രി കാരത്തൂരിലാണ് സംഭവം. ഇടിയുടെ ആഘാതത്തില്‍ ടിപ്പര്‍ ലോറി സമീപത്തെ വീട്ടുമതിലില്‍ ഇടിക്കുകയായിരുന്നു. മതിലിന് പുറമെ ടിപ്പര്‍ ലോറിയുടെ മുന്‍ഭാഗവും തകര്‍ന്നു.
കാരത്തൂര്‍ അങ്ങാടിയ്ക്ക് സമീപത്തെ സ്വകാര്യ വ്യക്തിയുടെ മതിലാണ് തകര്‍ന്നത്. ശബ്ദം കേട്ടു വീട്ടുകാര്‍ ഉണര്‍ന്നപ്പോഴേക്കും അപകടംവരുത്തിയ കണ്ടെയ്‌നര്‍ സ്ഥലം വിട്ടിരുന്നു.
വിവരമറിഞ്ഞെത്തിയ നാട്ടുകാരും ലോറിയുടമയും തിരൂര്‍ പൊലിസ് സ്റ്റേഷനില്‍ വിവരമറിയിച്ചതിനെ തുടര്‍ന്ന് കണ്ണംകുളത്ത് പാറാവിലുണ്ടായിരുന്ന പൊലിസുകാര്‍ കണ്ടെയ്‌നര്‍ ലോറിയെ പിന്തുടര്‍ന്ന് കസ്റ്റഡിയിലെടുത്തു. കാരത്തൂര്‍ സ്വദേശി അന്‍വറിന്റെതാണ് ടിപ്പര്‍ ലോറി.