മട്ടന്നൂര്‍: പഴശ്ശി രാജ കോളജ് ഫിസിക്‌സ് വിഭാഗം അധ്യാപകനും കോണ്‍ഗ്രസ് അധ്യാപക സംഘടനയായ കെ.പി.സി.ടി.എയുടെ എന്‍.എസ്.എസ്. കോ-ഓര്‍ഡിനേഷന്‍  സംസ്ഥാന സെക്രട്ടറിയുമായ ഡോ. ആര്‍.കെ. ബിജുവിന്റെ കാര്‍  കുത്തി വരച്ചു  നശിപ്പിച്ചു. കോളജ് പരിസരത്ത് പാര്‍ക്കുചെയ്ത കാറിന്റെനാലുഭാഗവുംഇരുമ്പാണി കൊണ്ടാണ് കുത്തി വരച്ചത്. കഴിഞ്ഞ ദിവസം വൈകിട്ട് നാല് മണിക്ക് ശേഷമാണ് സംഭവം. കഴിഞ്ഞ വര്‍ഷം അന്നത്തെ പ്രിന്‍സിപ്പാള്‍ ഡോ. കെ.ശങ്കറിന്റെ കാറിനോടൊപ്പം ഇദ്ദേഹത്തിന്റെ കാറിനും കേടുവരുത്തിയിരുന്നു. കോളജിലെ സമാധാന അന്തരീക്ഷം തകര്‍ക്കാനുള്ള സമൂഹവിരുദ്ധ നടപടിയില്‍ കോളജ് കെ.പി.സി.ടി.എ. യുനിറ്റ് പ്രതിഷേധിച്ചു.ഡോ. പി.  ലേഖ അധ്യക്ഷയായി. പ്രൊഫ. പി.ടി. മുരളി, പ്രൊഫ. കെ ബിജു, ഡോ. എ. സുഗതകുമാരി, ഡോ. എ.വി ഹേമലത, ഡോ. ആര്‍.കെ. ബിജു സംസാരിച്ചു.സംഭവത്തില്‍ മട്ടന്നൂര്‍ പൊലിസ് കേസെടുത്ത് അന്വേഷണം ആരംഭിച്ചു.