കോട്ടയം: ദേശീയ ഗ്രാമീണ ഉപജീവന മിഷന്‍ കുടുംബശ്രീ മിഷന്‍ വഴി വൈക്കം ബ്ലോക്കില്‍ നടപ്പിലാക്കുന്ന സ്റ്റാര്‍ട്ട് അപ് വില്ലേജ് എന്റര്‍പ്രണര്‍ഷിപ്പ് പ്രോഗ്രാം പദ്ധതിയിലേക്ക് മൈക്രോ എന്റര്‍പ്രൈസസ് കണ്‍സള്‍ട്ടന്റുമാരെ (എം.ഇ.സി) നിയമിക്കുന്നു. വൈക്കം ബ്ലോക്കിലോ തലയോലപ്പറമ്പ്, വെള്ളൂര്‍, കല്ലറ, ആര്‍പ്പൂക്കര എന്നീ ഗ്രാമ പഞ്ചായത്തുകളിലോ സ്ഥിരതാമസക്കാരായ 21 നും 45 നും മധ്യേ പ്രായമുളള കുടുംബശ്രീ അംഗങ്ങള്‍ക്കും കുടുംബശ്രീ കുടുംബാംഗങ്ങള്‍ക്കും അപേക്ഷിക്കാം. പ്ലസ് ടൂവും കംപ്യൂട്ടര്‍ പരിജ്ഞാനവുമാണ് യോഗ്യത. മേഖലകളില്‍ മുന്‍പരിചയമുളളവര്‍ക്ക് മുന്‍ഗണന.