കാസര്‍കോട്: പെണ്‍ വേഷം ധരിച്ചു വീടിനു സമീപത്തു ഒളിച്ചു നിന്ന ലോറി ഡ്രൈവറെ നാട്ടുകാര്‍ പിടികൂടി കൈകാര്യം ചെയ്തു. കരാട്ടെയും മറ്റു മുറകളും നാട്ടുകാര്‍ക്കെതിരേ ഇയാള്‍ പ്രയോഗിച്ചെങ്കിലും ഇതു ഫലിച്ചില്ല. ഇന്നലെ പുലര്‍ച്ചെ മൂന്നോടെ കാഞ്ഞങ്ങാട് ആറങ്ങാടിയിലാണു സംഭവം. ആറങ്ങാടി അരിയില്‍ പാത ഭാഗത്താണു സംഭവം. മഹാരാഷ്ട്ര സത്താറ സ്വദേശിയും ലോറി ഡ്രൈവറുമായ ആസിഫിനെയാണു നാട്ടുകാര്‍ പിടികൂടി പൊലിസിനു കൈമാറിയത്.
ചുരിദാര്‍ ധരിച്ച ഒരു യുവാവ് ഒരു വീടിനു സമീപത്തു പതുങ്ങിയിരിക്കുന്നതു കണ്ട ഒരാള്‍ വിവരം ഫോണിലൂടെ നാട്ടുകാരെ പരസ്പരം അറിയിക്കുകയായിരുന്നു. ഇതേ തുടര്‍ന്ന് ആളുകള്‍ ഇയാളെ വളഞ്ഞു പിടികൂടിയപ്പോഴാണ് ഇതു സ്ത്രീയല്ലെന്നും പുരുഷനാണെന്നും തിരിച്ചറിഞ്ഞത്. തുടര്‍ന്ന് ഇയാളെ കൈകാര്യം ശ്രമിച്ചതോടെയാണു നാട്ടുകാര്‍ക്കെതിരേ കരാട്ടെ പ്രയോഗം നടത്തിയത്. എന്നാല്‍ നാട്ടുകാര്‍ ഇയാളെ കൈകാര്യം ചെയ്തു ഹൊസ്ദുര്‍ഗ് പൊലിസില്‍ ഏല്‍പ്പിച്ചു. പൊലിസ് നടത്തിയ വിശദമായ ചോദ്യം ചെയ്യലില്‍ ലോറിയുമായി പോകുകയായിരുന്ന ഇയാള്‍ ഹിജഡ മനോഭാവമുള്ള ആളാണെന്നു കണ്ടെത്തിയതായി പറയുന്നു. തുടര്‍ന്ന് ഇയാളെ വിട്ടയച്ചതായി ഹൊസ്ദുര്‍ഗ് പൊലിസ് പറഞ്ഞു.