വെള്ളിക്കുളങ്ങര: ആറേശ്വരം സംരക്ഷിത വനത്തില്‍ നിന്നും ചന്ദന മരം മുറിച്ചു കടത്താന്‍ ശ്രമിച്ച മൂന്നു പേരെ വെള്ളിക്കുളനങ്ങര ഫോറസ്റ്റ് റെയ്ഞ്ച് ഓഫിസര്‍ ടി.എസ് മാത്യു, പി.ആര്‍.ഒ അരുണ്‍ വീസ, ഡെപ്യൂട്ടി ഫോറസ്റ്റ് റെയ്ഞ്ച് ഓഫിസര്‍ പി.എസ് ശൈലന്റെ നേതൃത്വത്തിലുള്ള വനപാലക സംഘം പിടികൂടി. തമിഴ്‌നാട് തിരുവണ്ണാമല തിരുട്ടുഗ്രാമത്തില്‍ പെട്ട വെങ്കടേഷ് (35), ബാബു എന്ന മുരുകന്‍ (28), ഏഴിമല(30) ആണ് മുറിച്ച ചന്ദനമരങ്ങളും മുറിക്കാനായി ഉപയോഗിച്ച ആയുധങ്ങളും സഹിതം പിടിയിലായത്. ഇവരുടെ കൂടെ ഉണ്ടായിരുന്ന, ഓടി രക്ഷപെട്ട, ജയപാലന്‍, ദേവേന്ദര്‍, പാണ്ഡ്യന്‍ എന്നവരെ അന്വേഷിച്ചു വരുന്നു. പിടിയിലായ പ്രതികളെ ബുധനാഴ്ച കോടതിയില്‍ ഹാജരാക്കി.