ചെറുതോണി :  ഇടുക്കി മെഡിക്കല്‍ കോളജ് ഇല്ലാതാക്കാനുള്ള  എല്‍.ഡി.എഫ് സര്‍ക്കാര്‍ നയത്തിനെതിരെ കേരളാ സ്റ്റുഡന്റ്‌സ് കോണ്‍ഗ്രസ് (എം) ജില്ലാ കമ്മിറ്റിയുടെ നേതൃത്വത്തില്‍ മെഡിക്കല്‍ കോളജിലേക്ക് നാളെ  രാവിലെ 10 മണിക്ക് പ്രതിഷേധ മാര്‍ച്ചും ധര്‍ണയും നടത്തും.
ജില്ലാ പ്രസിഡന്റ് ജോമറ്റ് ഇളംതുരുത്തിയിലിന്റെ അധ്യക്ഷതയില്‍ ചേരുന്ന യോഗം റോഷി അഗസ്റ്റിന്‍ എം.എല്‍.എ ഉദ്ഘാടനം നിര്‍വഹിക്കും. കെ.എസ്.സി(എം) സംസ്ഥാന പ്രസിഡന്റ് അഡ്വ. രാകേഷ് ഇടപ്പുര മുഖ്യപ്രഭാഷണം നടത്തും.
മലയോര മേഖലയിലെ സാധാരണക്കരായ ജനങ്ങളുടെ ചികിത്സാരംഗത്ത് ഒട്ടേറെ പ്രതീക്ഷ നല്‍കുന്ന മെഡിക്കല്‍ കോളേജ് എന്ന ആശയം പൂര്‍ത്തീകരിക്കാന്‍ കക്ഷി രാഷ്ട്രീയ ജാതി-മത ഭേദമന്യേ ഒരുമിച്ച് പ്രവര്‍ത്തിക്കുന്നതിനു പകരം രാഷ്ട്രീയ പകപോക്കലാണ് ഇടുക്കി എം.പിയും എല്‍.ഡി.എഫ് സര്‍ക്കാരും നടപ്പിലാക്കിക്കൊണ്ടിരിക്കുന്നതെന്ന് റോഷി അഗസ്റ്റിന്‍ എം.എല്‍.എ ആരോപിച്ചു.