അരൂര്‍: നിയന്ത്രണം തെറ്റിയ കാര്‍ മീഡിയനിലേക്ക് മറിഞ്ഞ് രണ്ടു പേര്‍ക്ക് പരിക്കേറ്റു. ദേശീയപാതയില്‍ അരൂര്‍ ക്ഷേത്രം കവലക്ക് സമീപം ഇന്നലെ രാവിലെ എട്ട് മണിക്കായിരുന്നു അപകടം.
പന്തളത്തുനിന്ന് എറണാകുളത്തേയ്ക്ക് പോകുകയായിരുന്നു കാര്‍. പരിക്കേറ്റവരെ അടുത്തുള്ള സ്വകാര്യാശുപത്രിയില്‍ പ്രഥമ ശുശ്രൂഷ നല്‍കി വിട്ടയച്ചു. മുന്‍പേ പോയ മിനി ലോറി പെട്ടെന്ന് നിര്‍ത്തിയതിനാല്‍ കാര്‍ പെട്ടെന്ന് ബ്രേക്ക് ചെയ്തതാണ് തെന്നി മറിയാന്‍ കാരണമായത്. പുലര്‍ച്ചെ മുതലുണ്ടായ മഴയും കാര്‍ തെന്നുന്നതിനിടയാക്കി. നാട്ടുകാര്‍ ഓടിക്കൂടിയാണ് കാറിലുണ്ടായിരുന്നവരെ പുറത്തെടുത്ത് ആശുപത്രിയലാക്കിയത്. അരൂര്‍ പൊലീസ് സ്ഥലത്തെത്തി ഗതാഗതം പുന:സ്ഥാപിച്ചു.