കഠിനംകുളം: കെട്ടിടത്തിനുമുകളില്‍ തകരഷീറ്റ് ഉറപ്പിക്കുമ്പോള്‍ കാല്‍വഴുതി വീണ് ടെറസില്‍കുടുങ്ങിയ യുവാവിനെ കഴക്കൂട്ടം ഫയര്‍ഫോഴ്‌സ് രക്ഷപ്പെടുത്തി മെഡിക്കല്‍കോളജ് ആശുപത്രിയിലെത്തിച്ചു. പോത്തന്‍കോട് സ്വദേശി വിനോദ് (38)ആണ് ചികിത്സയില്‍ കഴിയുന്നത്. ഇന്നലെ രാവിലെ കാട്ടായികോണത്ത് എള്ളുവിളയില്‍ ആണ് അപകടം. 35 അടിയോളം പൊക്കമുള്ള കെട്ടിടത്തില്‍ 15 അടി താഴ്ചയില്‍ വീണ് ടെറസില്‍ കുടുങ്ങികിടന്ന വിനോദിനെ അസി.സ്റ്റേഷന്‍ ഓഫിസര്‍ കെ.പി മധു, ലീഡിംങ് ഫയര്‍മാന്‍ ജോര്‍ജ്‌പോള്‍ എന്നിവരുടെ നേതൃത്വത്തിലുള്ള സംഘമാണ് രക്ഷിച്ച് ആശുപത്രിയിലെത്തിച്ചത്. വിനോദിന്റെ ഇടുപ്പെല്ലിനും തുടയെല്ലിനും പൊട്ടലുണ്ട്.