കൊല്ലം: തദ്ദേശസ്വയംഭരണ വകുപ്പും കുടുംബശ്രീയും സംയുക്തമായി ജില്ലയിലെ ജനപ്രതിനിധികള്‍ക്കും കുടുംബശ്രീ മിഷന്‍ ചെയര്‍പേഴ്‌സണ്‍മാര്‍ക്കുമായി സംഘടിപ്പിക്കുന്ന സമന്വയം 2017 ദ്വിദിന ശില്‍പശാലയുടെ രണ്ടാംഘട്ടം കൊട്ടിയം ആനിമേഷന്‍ സെന്ററില്‍ ആരംഭിച്ചു.പരവൂര്‍ മുന്‍സിപ്പല്‍ ചെയര്‍മാന്‍ കെ.പി കുറുപ്പ് ഉദ്ഘാടനം ചെയ്തു. ജില്ലയിലെ പഞ്ചായത്ത് പ്രസിഡന്റുമാര്‍, മുന്‍സിപ്പല്‍ ചെയര്‍മാന്‍മാര്‍, ക്ഷേമകാര്യ സ്റ്റാന്റിങ് കമ്മറ്റി ചെയര്‍മാന്‍മാര്‍, കുടുംബശ്രീ സി.ഡി.എസ് ചെയര്‍പേഴ്‌സണ്‍മാര്‍ എന്നിവരാണ് ശില്‍പശാലയില്‍ പങ്കെടുക്കുന്നത്. വിവിധ മിഷനുകളുടെ സാധ്യതയെ സംബന്ധിച്ചും ഗുണഭോക്താക്കള്‍ക്കും നിര്‍ധനരായ ജനവിഭാഗത്തിനും മിഷന്‍ പദ്ധതികളുടെ ഗുണഫലത്തെ സംബന്ധിച്ചും ശില്പശാലയില്‍ വിദഗ്ധര്‍ സംസാരിക്കും.
കുടുംബശ്രീ ജില്ലാമിഷന്‍ കോര്‍ഡിനേറ്റര്‍ എ.ജി സന്തോഷ് അധ്യക്ഷനായി.