മനാമ: സുപ്രഭാതം വാര്‍ഷികാഘോഷ ചടങ്ങുകളുടെ തല്‍സമയ സംപ്രേഷണം ബഹ്‌റൈനില്‍ നടക്കുമെന്ന് ബന്ധപ്പെട്ടവര്‍ അറിയിച്ചു. മനാമ ഗോള്‍ഡ്‌സിറ്റിയിലെ സമസ്ത ബഹ്‌റൈന്‍ ആസ്ഥാനത്താണ് ഇതിനുള്ള സൗകര്യം ഒരുക്കുന്നത്. സമസ്ത കേരള ഇസ്‌ലാമിക് ഓണ്‍ലൈന്‍ ക്ലാസ്സ് റൂമിന്റെ സാങ്കേതിക സഹായത്തോടെയാണ് ഇതിനുള്ള ഒരുക്കങ്ങള്‍ നടന്നുവരുന്നത്.

ഇന്റനെറ്റിലെ ബൈലക്‌സ് മെസ്സഞ്ചറില്‍ പ്രവര്‍ത്തിക്കുന്ന സമസ്ത കേരള ഇസ്‌ലാമിക് ഓണ്‍ലൈന്‍ ക്ലാസ്സ് റൂമിനു പുറമെ കെ.ഐ.സി.ആര്‍ ഇന്റര്‍നെറ്റ് റേഡിയോ, എസ്.കെ.ഐ.സി.ആര്‍ യൂട്യൂബ് ലൈവ് ടി.വി, സുപ്രഭാതം ഫെയ്‌സ്ബുക്ക് പേജ് എന്നിവ വഴിയും തല്‍സമയ സംപ്രേഷണം ലഭ്യമായിരിക്കും.