കുന്ദമംഗലം: സംസ്ഥാന വിദ്യാഭ്യാസ അവാര്‍ഡ് നേടിയ അധ്യാപകരെ എച്ച്.എം ഫോറം കുന്ദമംഗലം ഉപജില്ലാ കമ്മിറ്റി ആദരിച്ചു.
കുന്ദമംഗലം ഈസ്റ്റ് എ.യു.പി സ്‌കൂള്‍ അധ്യാപകന്‍ ശങ്കരനാരായണന്‍, കരുവംപൊയില്‍ ഗവ. ഹയര്‍ സെക്കന്‍ഡറി സ്‌കൂള്‍ അധ്യാപകന്‍ കെ.ജെ പോള്‍ എന്നിവരെയാണ് ആദരിച്ചത്. കുന്ദമംഗലം ഉപജില്ലാ വിദ്യാഭ്യാസ ഓഫിസില്‍ നടന്ന ചടങ്ങില്‍ എച്ച്.എം ഫോറം ഉപജില്ലാ ജനറല്‍ സെക്രട്ടറി കോയ മാസ്റ്റര്‍ ഉപഹാരം നല്‍കി. തളിപ്പറമ്പിലേക്ക് ഡി.ഇ.ഒ ആയി പ്രമോഷന്‍ ലഭിച്ച ഉപജില്ലാ വിദ്യാഭ്യാസ ഓഫിസര്‍ എന്‍. ഗീതയ്ക്ക് ചടങ്ങില്‍ യാത്രയയപ്പ് നല്‍കി. എച്ച്.എം ഫോറം പ്രസിഡന്റ് പ്രേമന്‍ മാസ്റ്റര്‍ അധ്യക്ഷനായി. വി. വിനോദ്, കെ. ഹരി മാസ്റ്റര്‍, ജയശ്രീ, കെ. രാധാകൃഷ്ണന്‍ പ്രസംഗിച്ചു. കോയ മാസ്റ്റര്‍ സ്വാഗതവും ടി.സി യൂസുഫ് നന്ദിയും പറഞ്ഞു.