മണ്ണാര്‍ക്കാട്: എസ്.കെ.എസ്.എസ്.എഫ് വാര്‍ഷികവും, മാനവ - മൈത്രി സംഗമവും ഇന്ന് രാവിലെ ഒമ്പത് മണിക്ക് മോതിക്കലില്‍ നടക്കും. ഒരുമയോടെ വസിക്കാം, സൗഹൃദം കാക്കാം എന്ന പ്രമേയത്തില്‍ ഒരുമ 2017 എന്ന പേരില്‍ നടത്തുന്ന പരിപാടി എസ്.കെ.ജെ.എം.സി.സി ജില്ലാ സെക്രട്ടറി സി. മുഹമ്മദാലി ഫൈസി ഉദ്ഘാടനം ചെയ്യും. എന്‍. മുഹമ്മദ് ഹാജി പതാക ഉയര്‍ത്തും. യൂസഫ് ഫൈസി അധ്യക്ഷനാകും.
തുടര്‍ന്ന് മണ്ണാര്‍ക്കാട് ട്രിനിറ്റി കണ്ണാശുപത്രിയുടെ ആഭിമുഖ്യത്തില്‍ സൗജന്യ നേത്രപരിശോധന ക്യാമ്പ് നടക്കും. ഉച്ചക്ക് 2മണിക്ക് നടക്കുന്ന പഠന ക്യാമ്പിന് സക്കീര്‍ ഹുസൈന്‍ മാസ്റ്റര്‍ ചെര്‍പ്പുളശ്ശേരി നേതൃത്വം നല്‍കും. വൈകീട്ട് 7മണിക്ക് നടക്കുന്ന പൊതുസമ്മേളനം അഡ്വ.എന്‍ ഷംസുദ്ദീന്‍ എം.എല്‍.എ ഉദ്ഘാടനം ചെയ്യും. സ്വലാഹുദ്ദീന്‍ ഫൈസി വല്ലപ്പുഴ മുഖ്യപ്രഭാഷണം നടത്തും. മഹല്ല് സെക്രട്ടറി അഷ്‌റഫ് കുന്നക്കാലന്‍ അധ്യക്ഷനാവും.
സ്ഥലം ഖത്തീബ് ശംസുദ്ദീന്‍ ഫൈസി, സാഹിത്യകാരന്‍ കെ.പി.എസ് പയ്യനെടം, സെന്റ്. ഫെറോന പളളി വികാരി ഡോ. ജോര്‍ജ് തുരുത്തിപ്പളളി, തെങ്കര മൂത്താരികാവ് ക്ഷേത്രം മേല്‍ ശാന്തി ബാബു സുകുമാരന്‍, കുമരംപുത്തൂര്‍ ഗ്രാമപഞ്ചായത്ത് പ്രസിഡന്റ് ഹുസൈന്‍ കോളശ്ശേരി, ജയമുകുന്ദന്‍ (സി.പി.എം), അസീസ് പച്ചീരി (മുസ്‌ലിംലീഗ്), നൗഫല്‍ തങ്ങള്‍ (കോണ്‍ഗ്രസ്), കബീര്‍ അന്‍വരി (എസ്.കെ.എസ്.എസ്.എഫ്) തുടങ്ങിയവര്‍ സംബന്ധിക്കും. സക്കീര്‍ കുന്നക്കാലന്‍ സ്വാഗതവും ഫസല്‍ റഹ്മാന്‍ നന്ദിയും പറഞ്ഞു.