തൃശ്ശൂര്‍: അറിവിന്‍ വിളക്കത്ത് ഒന്നിച്ചിരിക്കാം എന്ന പ്രമേയത്തില്‍ ഒക്ടോബര്‍ 19, 20, 21 തിയതികളില്‍ ശാലിയാത്തി നഗര്‍ മലപ്പുറം അത്തിപ്പറ്റ ഫത്ഹുല്‍ ഫാത്താഹില്‍ നടക്കുന്ന എസ്.കെ.എസ്.എസ്.എഫ് കേരളാ ത്വലബാ കോണ്‍ഫറന്‍സിന്റെ ജില്ലാതല പ്രചരണോദ്ഘാടനവും ജില്ലാ ലീഡേഴ്‌സ് മീറ്റും ഓണമ്പിള്ളി മുഹമ്മദ് ഫൈസി ഉദ്ഘാടനം ചെയ്തു.
തൃശൂര്‍ എം.ഐ.സി ശരീഅത്ത് അകാദമിയില്‍ നടന്ന പരിപാടിയില്‍ സാബിഖ് ശിഹാബ് തങ്ങള്‍ അധ്യക്ഷനായി. എസ്.കെ.എസ്.എസ്.എഫ് ജില്ലാ വര്‍ക്കിങ് സെക്രട്ടറി അഡ്വ. ഹാഫിസ് അബൂബകര്‍ മാലികി മുഖ്യ പ്രഭാഷണം നടത്തി.
ത്വലബാ ജില്ലാ വൈസ് ചെയര്‍മാന്‍ ബാസിത് പെരുമ്പിലാവ് ലീഡേഴ്‌സ് മീറ്റിന് നേതൃത്വം നല്‍കി. വിവിധ സ്ഥാപനങ്ങളുടെ യൂനിയന്‍ ഭാരവാഹികളായ അന്‍പതോളം പ്രതിനിധികള്‍ പരിപാടിയില്‍ സംബന്ധിച്ചു. ജില്ലാ കണ്‍വീനര്‍ ഹബീബ് വരവൂര്‍ സ്വാഗതവും ജോയിന്റ് കണ്‍വീനര്‍ ഹാഫിസ് റാഷിദ് കൊടുവള്ളി നന്ദിയും പറഞ്ഞു.