ഓച്ചിറ: സമസ്ത കേരള സുന്നി സ്റ്റുഡന്റസ് ഫെഡറേഷന്‍ വലിയകുളങ്ങര, ക്ലാപ്പന യൂനിറ്റുകളുടെ നേതൃത്വത്തില്‍ ഇന്ന് വലിയകുളങ്ങര ജുമുഅ മസ്ജിദിന് സമീപം നടക്കുന്ന മജ്‌ലിസുന്നൂര്‍ വാര്‍ഷികവും ആത്മീയവിരുന്നിനുമുള്ള ഒരുക്കങ്ങള്‍ പൂര്‍ത്തിയായി.
സമ്മേളനത്തിന്റെ പ്രചരണാര്‍ഥം സമസ്തയുടെ ചരിത്രം വിളിച്ചോതി നടത്തിയ വിശ്വല്‍ അനൗണ്‍സ്‌മെന്റ് ശ്രദ്ധേയമായി.
വൈകിട്ട് ആറിന് ആരംഭിക്കുന്ന മജ്‌ലിസുന്നൂറിന് ജില്ലാ മജ്‌ലിസുന്നൂര്‍ ജില്ലാ അമീറും എസ്.കെ.എസ്.എസ്.എഫ് കൊല്ലം ജില്ലാ പ്രസിഡന്റുമായ സലീം റഷാദി നേതൃത്വം നല്‍കും.
എസ്.കെ.എസ്.എസ്.എഫ് സംസ്ഥാന ഓര്‍ഗനൈസിങ് സെക്രട്ടറി സയ്യിദ് അബ്ദുള്ള തങ്ങള്‍ ദാരിമി അല്‍ ഐദറൂസി പ്രാര്‍ഥന നിര്‍വഹിക്കും.
തുടര്‍ന്ന് നടക്കുന്ന ആത്മീയ വിരുന്നില്‍ സമസ്ത കേരള ജംഇയ്യത്തുല്‍ ഉലമ കൊല്ലം ജില്ലാ പ്രസിഡന്റ് സയ്യിദ് മുഹ്‌സിന്‍ കോയ തങ്ങള്‍ അല്‍ ഐദറൂസി ഉദ്‌ബോധന പ്രഭാഷണവും നടത്തും.
സമസ്ത തിരുവനന്തപുരം ജില്ലാ ജനറല്‍ സെക്രട്ടറി നൗഷാദ് ബാഖവി ചിറയിന്‍കീഴ് ആത്മീയ പ്രഭാഷണവും നിര്‍വഹിക്കും. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് മഹമൂദ് മുസ്‌ലിയാര്‍, ജനറല്‍ സെക്രട്ടറി ഷാജഹാന്‍ അമാനി, സമസ്ത തിരുവനന്തപുരം ജില്ലാ വൈസ് പ്രസിഡന്റ് അയ്യൂബ് ഖാന്‍ ഫൈസി, നിസാം കണ്ടത്തില്‍, മുഹമ്മദ് അലി മുസ്‌ലിയാര്‍, കരുനാഗപ്പള്ളി മേഖല പ്രസിഡന്റ് ഹുസൈന്‍ ഫൈസി, വലിയകുളങ്ങര യൂനിറ്റ് സെക്രട്ടറി നിസാര്‍ വേലിത്തറയില്‍, ഷമീര്‍ ഫൈസി, ഷാജഹാന്‍ ഫൈസി, ഇബ്രാഹിംകുട്ടി ഹാജി, വാഹിദ് മുണ്ടോലില്‍, സല്‍മാന്‍ മൗലവി സംസാരിക്കും.