തിരുവനന്തപുരം: ഓസോണ്‍ പാളി നേരിടുന്ന പ്രശ്‌നങ്ങളെക്കുറിച്ച് ജനങ്ങളെ കൂടുതല്‍ ബോധവല്‍ക്കരിക്കേണ്ടതുണ്ടെന്ന് മന്ത്രി കെ. രാജു. സമൂഹത്തിലെ ഭൂരിപക്ഷം പേര്‍ക്കും ഓസോണ്‍ പാളികള്‍ക്ക് സംഭവിക്കുന്ന ശോഷണത്തെക്കുറിച്ചോ അതിനുപിന്നിലുള്ള അപകടങ്ങളെക്കുറിച്ചോ അറിയില്ലെന്നും മന്ത്രി പറഞ്ഞു. ലോക ഓസോണ്‍ ദിനാചരണത്തിന്റെ സംസ്ഥാനതല ഉദ്ഘാടനം വി.ജെ.ടി ഹാളില്‍ നിര്‍വഹിക്കുകയായിരുന്നു മന്ത്രി.
വി. എസ് ശിവകുമാര്‍ എം.എല്‍.എ അധ്യക്ഷനായി. പരിസ്ഥിതി കാലാവസ്ഥ വ്യതിയാന വകുപ്പ് ഡയറക്ടര്‍ പത്മ മൊഹന്തി, സ്‌പോര്‍ട്‌സ് ഡയറക്ടര്‍ സഞ്ജയന്‍ കുമാര്‍, കാലാവസ്ഥാ വ്യതിയാന പഠന കേന്ദ്രം ഡയറക്ടര്‍ ജോര്‍ജ് ചാക്കച്ചേരി, പരിസ്ഥിതി ശാസ്ത്രജ്ഞന്‍ പി. കലൈ അരസന്‍, ഡോ. ജോയ് ഇളമണ്‍ പങ്കെടുത്തു.