ശ്രീനഗര്‍: അതിര്‍ത്തിയില്‍ ഇന്ത്യയിലേക്കു നുഴഞ്ഞുകയറാന്‍ ശ്രമിച്ച രണ്ടു പാക് തീവ്രവാദികളെ സൈന്യം വധിച്ചു. ജമ്മു കശ്മിരിലെ കുപ്‌വാര ജില്ലയിലെ മാച്ചില്‍ സെക്ടറിലായിരുന്നു ഏറ്റുമുട്ടല്‍.
അതിര്‍ത്തിയില്‍ പരിശോധന നടത്തുമ്പോള്‍ നുഴഞ്ഞുകയറാന്‍ ശ്രമിക്കുന്നതു സൈന്യത്തിന്റെ ശ്രദ്ധയില്‍പെടുകയായിരുന്നു.
തുടര്‍ന്നാണ് ഏറ്റുമുട്ടല്‍ നടന്നതെന്നു പ്രതിരോധ വക്താവ് കേണല്‍ രാജേഷ് കാലിയ പറഞ്ഞു. കൊല്ലപ്പെട്ടവരില്‍നിന്ന് ആയുധങ്ങളും കണ്ടെടുത്തിട്ടുണ്ട്. സംഘത്തില്‍ കൂടുതല്‍ പേര്‍ ഉള്‍പ്പെട്ടിട്ടുണ്ടോയെന്നറിയാന്‍ പ്രദേശത്ത് സൈന്യം തിരച്ചില്‍ തുടരുകയാണ്. കഴിഞ്ഞ മാസവും ഇതേ പ്രദേശത്ത് ഇത്തരത്തിലുള്ള സംഭവം റിപ്പോര്‍ട്ട് ചെയ്തിരുന്നു. അന്ന് അഞ്ചു നുഴഞ്ഞുകയറ്റക്കാരെ സൈന്യം വധിച്ചിരുന്നു.