തൊടുപുഴ: തൊടുപുഴ മുണ്ടേക്കല്ലിന് സമീപം വീടിനോട് അനുബന്ധിച്ചുള്ള ഔട്ട്ഹൗസിന് തീപിടിച്ചു. മുണ്ടേക്കല്ല് സബ്‌സ്‌റ്റേഷന്‍ റോഡില്‍ ശ്രീധരി മന്ദിരത്തില്‍ ശ്രീനിവാസന്റെ വീടിന്റെ ഔട്ട് ഹൗസിനാണ് തീപിടിച്ചത്. ഇന്നലെ ഉച്ചയ്ക്കായിരുന്നു സംഭവം. പഴയ ഉരുപ്പടികളും തടികളുമാണ് ഇവിടെ സൂക്ഷിച്ചിരുന്നത്. അടുപ്പില്‍ നിന്നും തീപടരുകയായിരുന്നു. സമീപത്തുതന്നെയുള്ള ഫയര്‍ഫോഴ്‌സെത്തിയാണ് തീ അണച്ചത്. എഴുപതിനായിരം രൂപയുടെ നഷ്ടം നേരിട്ടതായി ഫയര്‍ഫോഴ്‌സ് അറിയിച്ചു.