നെടുങ്കണ്ടം: ചേറ്റുകൂഴിയിലെ ചായക്കടയില്‍ അനധികൃതമായി മദ്യം വിറ്റുകൊണ്ടിരിക്കെ കടയുടമയെ എക്‌സൈസ് പിടികൂടി. ചേറ്റുകുഴി വേഴക്കാട്ട് വിജി(48)യെയാണ് 450 ലിറ്റര്‍ മദ്യവുമായി അറസ്റ്റ് ചെയ്തത്. മിനിബാര്‍ പോലെയായിരുന്നു ചായക്കടയുടെ പ്രവര്‍ത്തനം. വിജിക്കെതിരേ ഇതിനുമുമ്പും അബ്കാരി കേസ് എടുത്തിട്ടുണ്ട്. ഒരുമാസത്തിനിടെ ചേറ്റുകുഴിയില്‍ നിന്ന് മാത്രമായി നാലാമത്തെ മദ്യ വില്‍പ്പനക്കാരനെയാണ് എക്‌സൈസ് പിടികൂടിയത്. ഉടുമ്പന്‍ചോല എക്‌സൈസ് സര്‍ക്കിള്‍ ഓഫിസിലെ പ്രിവന്റീവ് ഓഫീസര്‍ എം.പി.പ്രമോദിന്റെ നേതൃത്വത്തില്‍ നടത്തിയ റെയ്ഡില്‍ പ്രിവന്റീവ് ഓഫീസര്‍ ലിജോ ഉമ്മന്‍,സിവില്‍ എക്‌സൈസ് ഓഫിസര്‍മാരായ ഷനേജ്,രതീഷ്‌കുമാര്‍,എം.എസ്.അരുണ്‍,കെ.കെ.സജിത്കുമാര്‍,പി.സി റെജി പങ്കെടുത്തു.