വല്ലപ്പുഴ: കുറുവട്ടൂര്‍ ചുങ്കപ്പിലാവില്‍ മൂന്ന് കുട്ടികളടക്കം നാലു പേര്‍ക്ക് പേപ്പട്ടിയുടെ കടിയേറ്റു. വാണിയംതൊടി മുഹമ്മദലിയുടെ മകന്‍ മുഹമ്മദ് സഫ്‌വാന്‍ (7 ), വട്ടപ്പറമ്പില്‍ ശാരദയുടെ മകന്‍ വിഷ്ണു (10), താഴത്തേതില്‍ സാജിതയുടെ മകന്‍ ഫര്‍ഹാന്‍ (5), ചിറക്കാതൊടി രാധാകൃഷ്ണന്‍ (45) എന്നിവര്‍ക്കാണ് കടിയേറ്റത്. പേപ്പട്ടി ശല്യത്താല്‍ ജനങ്ങള്‍ ഭീതിയിലാണ്. പലരും രാത്രിയില്‍ പുറത്തിറങ്ങാറില്ല. ഏത് സമയവും പേപ്പട്ടിയുടെ ആക്രമണം നടക്കുമെന്ന ഭീതിയിലാണവര്‍. പേപ്പട്ടിയെ ഇതുവരെയും പിടികൂടാന്‍ കഴിഞ്ഞിട്ടില്ല.