2006-07ല്‍ മേല്‍പാലം നിര്‍മിക്കണമെന്നാവശ്യപ്പെട്ട് കേന്ദ്രത്തിനു നിവേദനം നല്‍കി. അത്തവണത്തെ ബജറ്റിലും ഉള്‍പ്പെട്ടു.
2009-10ല്‍ ദേശീയ പാത നാലുവരിയാക്കാനുള്ള വിജ്ഞാപനം വന്നതോടെ പ്രവൃത്തി തുടങ്ങുന്നതിനു കാലതാമസമുണ്ടായി. ദേശീയപാതയുടെ അനുബന്ധ പാലങ്ങളും മേല്‍പാലങ്ങളും ബി.ഒ.ടി അടിസ്ഥാനത്തില്‍ നിര്‍മിക്കണമെന്ന നിര്‍ദേശവും തടസത്തിനു കാരണമായി.
2011 ഒക്ടോബറില്‍ കേന്ദ്ര റെയില്‍വേ മന്ത്രി കേരളത്തിന്റെ റെയില്‍വേ ചുമതലയുള്ള മന്ത്രി ആര്യാടന്‍ മുഹമ്മദുമായി ചര്‍ച്ച നടത്തുകയും 50 ശതമാനം സംസ്ഥാന വിഹിതം നീക്കിവച്ച് ഡി.പി.ആര്‍ സമര്‍പ്പിക്കാന്‍ ആവശ്യപ്പെടുകയും ചെയ്തു. എന്നാല്‍ അതും നടന്നില്ല.
2014-15 ല്‍ വീണ്ടും റെയില്‍വേ ബജറ്റില്‍ തുക വകയിരുത്തി. എന്നാല്‍ അന്നും ഡി.പി.ആര്‍ തയാറാക്കി നല്‍കാന്‍ സംസ്ഥാനത്തിനായില്ല.
2015ല്‍ എം.പി കേന്ദ്രമന്ത്രി നിതിന്‍ ഗഡ്കരിയെ സമീപിച്ചു ചര്‍ച്ച നടത്തി. അതിന്റെ ഭാഗമായി സേതുഭാരതം പദ്ധതിയില്‍ ഉള്‍പ്പെടുത്തി 40 കോടി രൂപ നീക്കിവച്ചു.
2015 ഒക്ടോബറില്‍ ഡി.പി.ആര്‍ തയാറാക്കാന്‍ ചെന്നൈ ഗാസിയാബാദിലുള്ള ചൈതന്യ കണ്‍സള്‍ട്ടന്‍സിയെ ചുമതലപ്പെടുത്തി.
2016ല്‍ ടെന്‍ഡര്‍ നടപടികള്‍ സ്വീകരിക്കുകയും ഡിസംബറില്‍ പണി തുടങ്ങുമെന്ന ഉറപ്പും ലഭിച്ചു.
എന്നാല്‍ ഒരു വര്‍ഷം കഴിഞ്ഞിട്ടും ദേശീയ പാതാ വികസനത്തിന്റെ കാര്യത്തില്‍ പുരോഗതി ഉണ്ടാകാത്തതിനാല്‍ മേല്‍പാല നിര്‍മാണം തുടങ്ങാന്‍ കഴിഞ്ഞില്ല.