നെടുമ്പാശ്ശേരി: അന്‍വര്‍ സാദത്ത് എം.എല്‍.എയുടെ നേതൃത്വത്തില്‍ ആരംഭിച്ച അമ്മക്കിളിക്കൂട് ഭവനിര്‍മ്മാണ പദ്ധതിയില്‍ നിര്‍മാണം പൂര്‍ത്തിയാക്കിയ അഞ്ചാമത്തെ വീട് നെടുമ്പാശ്ശേരി പഞ്ചായത്തിലെ മഴുവഞ്ചേരി ഏലിയാമ്മ എബ്രഹാം എന്ന വിധവക്ക് കൈമാറി. ജ്യോതി ലബോറട്ടറീസാണ് (ഉജാല) ഈ വീട് സ്‌പോണ്‍സര്‍ ചെയ്തിരുന്നത്. വീടിന്റെ താക്കോല്‍ദാന കര്‍മം മള്ളുശ്ശേരിയില്‍ നടന്ന ചടങ്ങില്‍ അന്‍വര്‍ സാദത്ത് എം.എല്‍.എ നിര്‍വഹിച്ചു. ജ്യോതി ലബോറട്ടറീസിന്റെ റീജിയണല്‍ സെയില്‍സ് മാനേജര്‍ ബിജു വര്‍ഗീസ് മുഖ്യാതിഥിയായിരുന്നു. പഞ്ചായത്ത് പ്രസിഡന്റ് മിനി എല്‍ദോ അധ്യക്ഷത വഹിച്ചു. ചടങ്ങില്‍ മുന്‍ എം.എല്‍.എ എം.എ ചന്ദ്രശേഖരന്‍, പാറക്കടവ് ബ്ലോക്ക് പഞ്ചായത്ത് പ്രസിഡന്റ് ഷീന സെബാസ്റ്റ്യന്‍, ജില്ലാ പഞ്ചായത്ത് മെമ്പര്‍ അഡ്വ. കെ.വൈ ടോമി, ബ്ലോക്ക് പഞ്ചായത്ത് വൈസ് പ്രസിഡന്റ് ചന്ദ്രശേഖര വാര്യര്‍, ബ്ലോക്ക് പഞ്ചായത്ത് മെമ്പര്‍ സി.എസ് രാധാകൃഷ്ണന്‍, സ്റ്റാന്റിംഗ് കമ്മിറ്റി ചെയര്‍മാന്‍ എന്‍.വി ബാബു,വാര്‍ഡ് മെമ്പര്‍ ഷാന്റി ഷാജു, നെടുമ്പാശ്ശേരി സഹകരണ ബാങ്ക് പ്രസിഡന്റ് ജിസ് തോമസ്, മുന്‍ പഞ്ചായത്ത് പ്രസിഡന്റ് പി.വൈ വര്‍ഗീസ്,ചെങ്ങമനാട് പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍ ദിലീപ് കപ്രശ്ശേരി, പഞ്ചായത്ത് മെമ്പര്‍മാരായ ബിജി സുരേഷ്, ഏലിയാമ്മ ഏലിയാസ്, മുന്‍ പഞ്ചായത്ത് മെമ്പര്‍ ജിജോ ആന്റണി എന്നിവര്‍ സംസാരിച്ചു.