പൂച്ചാക്കല്‍: തൈക്കാട്ടുശ്ശേരി നടുഭാഗം എം.ഡി.യു.പി.സ്‌കൂളില്‍ ആര്‍.ചന്ദ്രശേഖരന്‍ നായര്‍ സ്മാരക ലൈബ്രറിയുടെ ഉദ്ഘാടനം എ.എം.ആരിഫ് എം.എല്‍.എ നിര്‍വ്വഹിച്ചു.
ഒന്നാംക്ലാസിലെ കുട്ടികള്‍ക്കുള്ള പുസ്തകങ്ങളാണ് ലൈബ്രറിയില്‍ ഒരുക്കിയിട്ടുള്ളത്. മാതൃസംഗമവും ക്ലാസ് പി.ടി.എ.യും ഇതോടൊപ്പം നടത്തി. സ്‌കൂള്‍ മാനേജര്‍ കെ.ആര്‍.അപ്പുക്കുട്ടന്‍ നായര്‍ അധ്യക്ഷത വഹിച്ചു. തൈക്കാട്ടുശ്ശേരി പഞ്ചായത്ത് പ്രസിഡന്റ് ശാന്തമ്മാ പ്രകാശ്, ബ്ലോക്ക് പഞ്ചായത്തംഗം എബ്രഹാം ജോര്‍ജ്, പ്രഥമാധ്യാപിക പി.കെ.പ്രഭ, പി.ടി.എ പ്രസിഡന്റ് കെ.എ.ബാബു, ബിജിമോള്‍ സാജന്‍, സ്റ്റാഫ് സെക്രട്ടറി സന്ധ്യ, സജി കെ.സി, സീഡ് കോ-ഓര്‍ഡിനേറ്റര്‍ എല്‍.സുജാത എന്നിവര്‍ സംസാരിച്ചു.