ഈരാറ്റുപേട്ട: സെന്‍ട്രല്‍ ജംങ്ഷനിലെ സീബ്രാ ലൈനില്‍ സ്‌കൂട്ടറിടിച്ച് പൂഞ്ഞാര്‍ സ്വദേശി അനില(34)യ്ക്ക് പരുക്കേറ്റു. ഇന്നലെ വൈകിട്ട് ആറോടെയാണ് അപകടം.
ഇവരെ ഈരാറ്റുപേട്ടയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
സീബ്രാ ലൈനുകളില്‍ വാഹനം നിയന്ത്രിക്കാന്‍ പൊലിസില്ലാത്തതും അശ്രദ്ധമായ ഡ്രൈവിങ്ങുമാണ് അപകടത്തിന് കാരണമാകുന്നത്. സെന്‍ട്രല്‍ ജംങ്ഷനില്‍ തന്നെ രണ്ട് സീബ്രാ ലൈനുകള്‍ അടുത്തടുത്തായി ഉള്ളതും അപക സാധ്യത കൂട്ടുന്നു.
രണ്ടും മാഞ്ഞുതുടങ്ങിയ ലൈനുകലാണ്. ഈരാറ്റുപേട്ടയില്‍ പുതിയ ട്രാഫിക് യൂനിറ്റ് പ്രവര്‍ത്തനം ആരംഭിക്കണമെന്നും ഗതാഗതം നിയന്ത്രിക്കുവാന്‍ ആവശ്യത്തിന് പൊലിസിന്റെ സേവനം ലഭ്യമാക്കണമെന്നുമുള്ള ആവശ്യം ശക്തമാണ്.