തിരുവനന്തപുരം: കെ.എസ്.ആര്‍.ടി.സി എംപ്ലോയീസ് അസോസിയേഷന്റെ (കെ.എസ്.ആര്‍.ടി.ഇ.എ-സി.ഐ.ടി.യു) 41-ാമത് സംസ്ഥാന സമ്മേളനം നാളെ മുതല്‍ 24 വരെ തലസ്ഥാനത്ത് നടക്കും. നാളെ രാവിലെ 10.45ന് കിഴക്കേക്കോട്ട രാജധാനി ഓഡിറ്റോറിയത്തില്‍ നടക്കുന്ന പ്രിതിനിധി സമ്മേളനം സി.ഐ.ടി.യു ജനറല്‍ സെക്രട്ടറി എളമരം കരീം ഉദ്ഘാടനം ചെയ്യും.
കെ.എസ്.ആര്‍.ടി.ഇ.എ പ്രസിഡന്റ് വൈക്കംവിശ്വന്‍, കെ.എസ്.ഇ.ബി.ഡബ്‌ള്യു.എ ജനറല്‍ സെക്രട്ടറി കെ. ജയപ്രകാശ്, കെ.എസ്.ടി.എ ജനറല്‍ സെക്രട്ടറി കെ.സി ഹരികൃഷണന്‍ പങ്കെടുക്കും. വൈകിട്ട് നാലിന് നടക്കുന്ന പൊതു സമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. സി.ഐ.ടി.യു ദേശീയ വൈസ് പ്രസിഡന്റ് എ സൗന്ദര്‍ രാജന്‍, സി.പി.എം ജില്ലാ സെക്രട്ടറി ആനാവൂര്‍ നാഗപ്പന്‍, കെ.എസ്.ആര്‍.ടി.ഇ.എ വര്‍ക്കിങ് പ്രസിഡന്റ് കെ.കെ ദിവാകരന്‍ പങ്കെടുക്കും. 23ന് രാവിലെ ഒമ്പതിന് കെ. എസ്.ആര്‍.ടി.സി ഡിപ്പോയില്‍ നടക്കുന്ന അഴീക്കോടന്‍ അനുസ്മരണം മന്ത്രി തോമസ് ചാണ്ടി ഉദ്ഘാടനം ചെയ്യുമെന്ന് ചെയര്‍മാന്‍ വി. ശിവന്‍കുട്ടി, ജനറല്‍ കണ്‍വീനര്‍ വി. ശാന്തകുമാര്‍ വാര്‍ത്താ സമ്മേളനത്തില്‍ അറിയിച്ചു.