കോഴിക്കോട്: സാമൂഹ്യ പ്രതിബദ്ധതയുള്ള സംരംഭങ്ങള്‍ സമൂഹത്തിനായി സമര്‍പ്പിക്കുക എന്ന ലക്ഷ്യത്തോടെ വ്യവസായ വാണിജ്യ രംഗത്ത് വ്യക്തിമുദ്ര പതിപ്പിച്ച ഒരു കൂട്ടം സംരംഭകരുടെ കൂട്ടായ്മയായ ഗ്രോവിസിന് തുടക്കമായി. ഗ്രോവിസിന്റെ ആദ്യ കോണ്‍ക്ലേവ് കോഴിക്കോട് നടന്നു. കല്യാണ്‍ സില്‍ക്‌സ് ചെയര്‍മാന്‍ ടി.എസ് പട്ടാഭിരാമന്‍, വി.കെ.സി ഗ്രൂപ്പ് ചെയര്‍മാന്‍ വി.കെ.സി മമ്മദ് കോയ എം.എല്‍.എ, കെ.ആര്‍.എസ് എം.ഡി വി.കെ മൊയ്തുഹാജി, നെസ്‌ട്രോണ്‍ ചെയര്‍മാന്‍ കെ. അബ്ദുല്‍കരീം എന്നിവരെ ആദരിച്ചു. കലക്ടര്‍ യു.വി ജോസ്, പത്രപ്രവര്‍ത്തക യൂനിയന്‍ പ്രസിഡന്റ് കമാല്‍ വരദൂര്‍ എന്നിവര്‍ അവാര്‍ഡുകള്‍ വിതരണം ചെയ്തു.
വി.കെ.സി മമ്മദ്‌കോയക്ക് വേണ്ടി വി.കെ.സി ഡയറക്ടര്‍ റഫീഖ് അവാര്‍ഡ് ഏറ്റുവാങ്ങി. മജീദ് അറക്കല്‍, വിനോദ് മിത്രന്‍, സല്‍മാന്‍, ഗ്രോവിസ് പ്രസിഡന്റ് പി.ടി അന്‍വര്‍, ചീഫ് കോഡിനേറ്റര്‍ പി. സിക്കന്തര്‍ പങ്കെടുത്തു.